AH & Vety kutah Van hlan
North Eastern Council (NEC) atanga dawn lirthei (refrigerated van) chu nimin khan Siaha district bawrhsap VL Hruaizela Khiangte chuan Animal Husbandry & Veterinary Department Siaha kutah a hlan a, department aiawhin district veterinary officer Dr Benson Chhakchhuak chuan a dawng. Hemi hma hian NEC chuan Siaha district tana a pek Life Support Ambulance pakhat, pik up (4WD) pakhat leh solar light 9 chu a dawngtu tur hnenah hlan a lo ni tawh bawk. Refrigerated van hi sumfaiin Rs. 13,46,000 man a ni a. L Beimopha, IRS hmalaknain NEC hnuaia Backward Community of Mara Community, Tipa RD Block Siaha District tana dawn a ni.
AH & Vety kutah Van hlan
