December ni 18, 2024 zana Airfield Vengthar Pastor Quarters rawk leh a hnu lama thil thleng chungchangah Airfield Branch YMA chuan nimin khan thuchhuah an siam a, lusun chhungte an tawrhpui thu an sawi.
Thuchhuahah chuan, pastor quarter a\anga Rs 24,000 a bo thu te, Pastor quarter bulhnaiah, drug addict leh rukru \hang taka khawtlangin a hriat David Lalmuanpuia (L) s/o Nunthangmawii leh Lalduhsaka s/o Parchhuani, Airfiled Vengte chu hmuh an nih thu te, VDP office-ah thu zawhfiah a nih thu leh pawisa pawh an la ngei tih \ha taka an inpuan thu te, an pawisa ruk an dahna an sawi angin enfiah nghal zel a nih thu leh hmuhchhuah a nih loh thu te an tarlang a.
“Hetia dawt a sawi kual reng avang leh mi pawi a khawih tam tawh avangin VDP office-ah hian David-a hi kawl zui a ni ta a. Hun engemawti hnuah unconscious-a awmin damdawi in panpui a nih hnuah mihring a lo chang zo ta lo a ni..” tiin thuchhuahah chuan tarlan a ni.
He thil thleng avanga mawhphurtu ni lo leh dem tur ni lote thleng thlenga social media lama sawiselna leh diriamna tam tak hmuh tur a awm hi pawi kan ti a, khawtlang venhim kawnga min thawhpui duhtute chu kan thawhopui zui zel dawn, tiin Tuirial Airfiled Branch YMA chuan thuchhuahah an tarlang.
Airfield branch YMA thuchhuah
