Inrinni liamta zan khan Devi Ahilya Bai Holkar International Airport chuan tu tih hriat loh hnen atanga email dawngin, airport chu bomb hmanga beih tum a nih thu an dawng a, hemi chungchangah hian FIR thehluh nghal a ni.
Email thawntu hian khawi ram airport bulhnai emaw atanga a thawn nia ngaih a ni a, chhui chian hna thawh mek a ni bawk.
Indore Additional Commissioner of Police Amit Singh chuan, inrinni zan khan he email chungchang FIR hi kan dawng a, airport pawh hi fimkhur thuah endik hna kan thawk nghal vek bawk. FIR kan dawng tawh bawk a, chhui chian hna thawh nghal a ni, a ti. ACP chuan, engmah hlauhthawnna tur a awm lo, engkim a tha vek e, tiin airport pawh an endik vek thu leh thil dik lo leh misualte hmalak tumna hnuhma engmah an hmuh loh thu a sawi.
He thil titu hi la hriat chhuah a ni lo a, cyber crime team chuan uluk taka an chhui zui nghal thu sawiin, rinhlelh man erawh an la neih loh thu an sawi.
Airport bomb tum chungchangah FIR thehlut
