Aizawl Smart City hnuaia hnathawh en

Aizawl Smart City hnuaia hnathawh en
Aizawl Smart City hnuaia project thawh lai mek hmun 8 ami chu UD&PA minister K Sapdanga Inrinni khan a tlawh a. A khawihtu contractor-te kawmin uluk takin hnathawh kal mek leh hmabak la awmte a zawtfiah.
High Field Zarkawta Multipurpose Ground – cheng vaibelchhe 16.06 senga sak tur a ni a, contractor chu M/s Lushai Engineers niin February 2023-a hna thawh tan a ni a, zaa 71 zawh tawh niin, kumin December hian zawhfel an inbeisei a, Multipurpose Ground-ah hian football khelmual, open gym, naupang infiamna hmun, cycling track, elevated jogging track, cricket practice pitch a awm a ni.
Aizawl New Market Dawrpuia City Centre – cheng vaibelchhe 40.35 senga sak tur a ni a, contractor chu M/s Lushai Engineers a ni. October 2022 a hna tan a ni a, zaa 59 zawh tawh niin 2026 December-ah zawh an inbeisei a, City Centre-ah hian dawr 1102 a awm dawn a ni.
Zemabawk Playground – cheng vaibelchhe 24.94 senga sak tur a ni a, contractor chu M/s Northeast Consultancy Ltd niin November 2022 ah hna tan a ni a, hna hi zaa 79 thawh zawh tawh niin, kumin June hian zawhfel an inbeisei a, khelmual, phullem phah tur niin, gallery mi 700 vel len theihna a awm.
Zuangtui Indoor Stadium – cheng vaibelchhe 14.60 senga sak tur a ni a, contractor chu F Lalliansanga Aizawl Venglai niin, June 2022 a thawh tan a ni a, zaa 99 zawh tawh niin, March hian hawn hman tum a ni. Zuangtui Indoor Stadium first floor-ah hian badminton court 6, football khelmual, open gym, naupang infiamna hmun, cycling track, elevated jogging track, cricket practice pitc,a awm ang.
Durtlang Playground – cheng vaibelchhe 17.88 senga sak tur a ni a, contractor chu M/s Biakliana & Sons Mission Veng niin November 2022 a thawh tan a ni a, zaa 89 zawh tawh a ni. Kumin October hian zawhfel an inbeisei. Khelmual hi 110m x 68m a zau a ni a, phullem phah tur niin, gallery mi 1257 len theihna a awm.
Chaltlang Sports Multipurpose Hall – cheng vaibelchhe 13.52 senga sak tur a ni a, contractor chu M/s H Sanga & Sons, Chanmari Aizawl niin November, 2022 a hna thawh tan a ni a, hna zaa 72 zawh tawh niin, kumin November-a zawh an inbeisei. Basketball -cum- Volley Court, gallery mi 216 len theihna a awm anga, boxing ring, table tennis board 2, mipa leh hmeichhe dormitory a hrangin a awm dawn a, conference hall a awm a ni.
Chaltlang Tourist Lodge tihchangtlun – cheng vaibelchhe 18.12 senga sak tur a ni a, contractor chu M/s Allied Concern, Dawrpui Aizawl niin February 2023 a thawh tan a ni a, zaa 78 zawh tawh niin kumin October-a zawh an inbeisei.
Hlimen Playground – cheng vaibelchhe 6.59 senga sak tur a ni a, contractor chu M/s Lalhming Infrastructure & Construction Pvt. Ltd. niin April 2022 a thawh tan a ni a, zaa 92 zawh tawh niin kumin October-a zawh an inbeisei. Khelmual hi 100m x 50m a zau a ni.