Alexei thih hnuah Yulia langsar nghal

Alexei Navalnya nupui Yulia chu a langsar ngai lo, ani chu chungkhat nu a ni a chu chu a hna ber niin politician a ni lo a inti.
Mahse, karkalta Zirtawp a a thih ni ah Munich Security Conference a justice ngiata thusawina a neih chuan Russia a opposition tenau takteah langsar takah a hlangkai nghal.
Yulia Navalnya hi a pasal nghet taka thlawptu a ni reng a, kum 2020 a Novichok nerve agent hmanga a pasal hrai hlum tum a nih pawh khan Russia atanga ram danga enkawl a nih theih nana hmalaa sulsutu ber a ni.
“First Lady” of Russian opposition tia sawi a ni bawk a. Alexei ngei pawh khan Kremlin beihna kawngah beisei bo em emah a nupui Yulia chu awm lo se a beidawn tawh tur thu a sawi thin.
An love story leh nun chu vantlang hriat a ni a. Fa duhawm tak pahnih neiin an chhungkua leh an nun chu anmahni thlawptute chakna hnar pakhat a ni.
Yulia Ambrosimova chu kum 1976 khan Moscow ah Russian scientist zahem em Boris Ambrosimov fanu ni turin a piang a.
Economics graduate niin banking lam a luhchilh a, mahse an fa te pahnih enkawl turin a hna a bansan a, a pasal Alexei chu opposition politician huhang nei takin a awm zui theih phah a ni.
Kum 1998 khan Turkey a holiday-a an kalnaah a pasal Alexei nen chuan intawngin a hnu kum hnih hnuah an innei a, chung hunlai chuan a pasal Alexei chu mi lar tak a ni dawn tih hriat reng a ni lo.
“Lawyer la tha tak ni thei emaw opposition leader ni tur pasalah ka nei lo. La thalai tak Alexei tih hming pu pasalah ka nei mai a ni” tiin kum 2020 khan Russian weekly Sobesednik ten an interview naah a sawi.
Navalnya leh Alexei te hian politics ah rilru inang khat pu in kum 2000 chho khan an pahnihin liberal Yabloko party member an ni ve ve a.
Kum 2020 a a pasal tura hrai a nih hma zawng kha chuan langsarin a awm ngai lo va, mipui nawlpui hriatah pawh thusawi emaw inlanna a nei ngai meuh lo.
Kha mi kum August htlaa Siberian city Omsk a tura hrai a nih hnua a pasal phurh a nih khan Yulia chuan President Putin hnenah Germany a enkawl a nih theih nan phalna pe turin lehkhathawnin a dil ngat a ni.
“Khatihlai khan engtik lai pawhin ka lak chhuah a ngai tih ka inhria a ni” tiin a hnuah Russian documentary maker Yuri Dud hnenah a sawi.
Navalny chu German a inbun charity pawl te puihna hmangin Russia atanga phurhchhuah theihin a awm ta a. Yulia chu thla tam tak hnuah a pasal damthat hnuah Moscow ah a let leh thei chauh a. A bak chu a pasala nun chu lung in bang zutin a khat ta a ni.
Russia a US ambassador hlui Michael McFaul chuan Yulia chu ‘principle nei leh hlauh nei lo’ tiin a sawi a, vantlang tana nasa zawka penchhuak tura nawrna a tawng nasa zual dawn a, chu mi ti tur pawh chuan ‘theihna engkim a nei’ tiin a sawi a.
“Navalny khan Yulia Navalnya aia kawppui tha zawk a nei ngai lovang. Alexei a conviction, huaisenna, hlauh neihlohna te kha a tawm vek” tiin US network NBC a hrilh.
“An fate pahnih enkawla a humhim tlat dan pawhin Russia a democracy duhtute ngaihsan a hlawhphah em em a ni. Yulia hian a pasala nun kha a humhim a ni” tiin a sawi.
Yulia Navalnya chuan tun hnai lawkah Belarus opposition leader a pasal kum 2020 a inthlan hmaa lung in a khung avanga presidential candidate ni zui hnung a zui dawn lo tiin a sawi a. Belarus inthlanah khan Tikhanovskaya chu chak zawk ngeia ngaih niin mahse Alexander Lukashenko te chuan an tichingpen tia mi nawlpui ngaih a ni a, Tikhanovskaya chuan Belarus chhuahsanin ram dangah a tlanchhe zui a ni.
Mahse, Munich a thusawina a neihah rilru na tih hriat tak chungin a rilru a thlak theih thu a thusawiah a lang tlat.
“Kan mamawh chu zalen, remna leh muanna leh Russia hlim a ni. Russia duhawm ka pasalin a suangtuah ngei kha” tiin a sawi a.
“Chu ram chu nangni te nena din ka duh chu a ni a. Alexei Navalny suangtuah ngei mai kha” tiin a sawi zui a.
“Chu chu kawng awmchhun a ni a, kawng dang a awm lo, ngaihtuah phakloh sacrifice a neih te kha a thamral hauh lovang” tiin Yulia Navalnya chuan a sawi a ni.