Amazon fintu lui tui nasa takin tlahniam

Negro River, Amazon hnar lian ber dawttu chuan official measurement neih \an kum 121 hnua a tui dawn tlem ber a tawng mek a. Amazon hian tuilian nasa tak kum hnih kaltaa a tawn hnuah khawkheng na tak a tuar leh mek a ni.
Zing lamah tui chim chin chu 13.5 metres (44.3 feet) niin June 2021 kha chuan 30.02 metres (98.5 feet) a ni thung a, kha kha record china a san ber \um a ni.
Madeira River chu Amazon hnar pawimawh dang a ni a, he lui tui pawh hi nasa takin a tlem a, chu chuan Brazil-a Dam lian ber palina Santo Antonio hydroelectric dam chu a khawih hle bawk.
Lui tui tlem avang hian lui tui hnaiha awm leh innghah nana hmang te chuan hasratna namen lo an tawk mek a. Khawkheng avanga tui tlem hian Manaus khawpui mi maktaduai 2 chuang chenna industrial park lian tak awmna chawmna pawh a tibuai hle a ni.
Manaus hi a chehhvel khawpui lian ber niin Amazonas capital a ni bawk a, khawkhengin a nuai na hle. September thla tawp lam khan municipalities 62 zinga 55 te chuan khawkheng nasa avangin state of emergency an puang bawk a ni.
“Tui lut tur dang a awm tawh lo va, lawng kal ngaihna a awm lo” tiin boatman Cledson Lopes Brasil chuan a sawi a.
Brasil hi Marina do Davi port enkawltu niin helai hi riverine commuitites tam tak te luhka ber a ni bawk a, chu mai bakah khualzinte hiptu sandy beaches te awmna a ni bawk a, tunah chuan a ro rem rum thung.
Manaus leh a chhehvel khuate chu khawlum takin a nuai mek a ni bawk a, hei vang hian tun hnai lawkah pawh Amazon river bul lawka tefe lake-ah chuan dolphin \hahnem takin nunna an chan phah tih a ni bawk.
July 2021 thung kha chuan Negro River lian lutuk chuan Manaus downtown area chu nuaiin tuilian nasa tak chuan a chehhvela thlai chin ram tak te chu tichhiain thla thum chuang zet a awh zui a ni.
Philip Fearnside, American researcher, Brazilian National Institute of Amazonian Research a thawk mek chuan climate change avangin harsatna a nasa zual zel dawn tiin a sawi thung a.
Eastern equatorial pacific Ocean chu kum 2015-2016 laia “Godzilla” El Nino hunlai aiin a lum tawh zawk tiin a sawi a. Heng pacific lum te hian Amazon mai bakah hmar lam region-ah te chuan khawkheng a siam \hin a ni.