Amsterdam-ah buaina
siamtu panga man belh
Kartawp ningani zana Amsterdam khawpuia Israel club leh Dutch club pakhatte inkhelh zawha anmahni tantute intihbuaina thleng chu Dutch police te chuan chhuizui zelin, mi panga an man belh leh.
Heng an mi mante hi Netherlands mi leh sa vek niin, kum 18 leh 37 inkar an ni a, Israel club Maccabi Tel Aviv leh tualchhung club Ajax te inkhelh hma leh inkhelh zawha buaina thlengah an inrawlh ngei tih thuneitute chuan an sawi.
Thawhtanni tlai khan khawpui chhungah hian buaina chhuah chhunzawm lehin, motor leh police car thenkhatin beih an tawk bawk a. Buaina siamtu thenkhat chu ‘Free Palestine’ tiin an au nasa hle niin Dutch police te chuan an sawi bawk.
Prime minister Dick Schoof chuan kar hmasa khan Israel leh Juda te chunga buaina thleng chu chinfel thuai a duh thu a lo sawi tawh a, thil mak tak tak a thleng tawh niin a lo sawi tawh bawk a ni.
Amsterdam-ah buaina siamtu panga man belh
