An kawtkaiah hmahruaitu Napoli mualpho
Table-a pathumna luah chho AC Milan lakah sili fai tlawngin Italian Serie A hma-hruaitu Napoli an tlawm a; Pathianni zana Naples khaw team tana goal hnih thawhtu Ra-fael Leao kha season kal laia Napoli laka league goal hnih thun tling awmchhun a la ni.
Champions elect ti sawi tawh Napoli hi tun season Serie A bika an vawithum chaklohna chiah la niin, champion lai Milan hian khelh 28-a point 51 neiin pa-thumna luah chho bawk mah se an chung chiaha pahnihna luahtu Lazio lakah point 16 zetin an la hnufual.
Rafael Leao baka Milan tana goal thawhtu dang pahnih chu Brahim Diaz leh Alexis Sae-lemaekers an ni.
Napoli leh AC Milan hi April ni 12 leh 18 khian Uefa Champions League quarter-final khelh hnihah an in-tawng leh ang.
Duhthusama thaa season hmang kal mek Napoli hi season tawp hnaih lamah an zuai deuh a, Serie A game an khelh hnuhnung vawiliah vawihnih ngawt an tlawm tling ta a, an lo kal fal tawh em avang hian an dinhmun erawh la him tha veng veng hlea ngaih a ni.
League game 10 khelh tur an la neihah vawinga an chak tlin chuan kum 1990 hnu lama a vawikhatna atan Serie A title an hlawhchhuak thei tawh ang.
Pathianni kha 2007-08 season daih tawha 1-5-a Atalanta an hneh loh hnua Napoli tlawm nat ber tum a la ni.
An kawtkaiah hmahruaitu Napoli mualpho
