Netflix series lar zet mai The Queen’s Gambit changtunu Anya Taylor-Joy leh musician Malcolm McRae te chu Italy-ah an inkutsuih ta a, inneihnaah hian model leh actress Cara Delvigne leh Julia Garner te pawhin an telpui a ni.
Anya leh Malcolm te hi May 2021 atang khan an inzui tih thawm a thang tawh a, hemi kum October-ah mipui hriatah an inzui tih puangin, Instagram-ah an inkai lai thlalak postin, Malcolm hian, “ka va hlim tak em,” tiin a caption a dah tel a ni.
July 2022-ah chuan an inhual der tawh a, chutih lai chuan Anya hi kum 27 mi niin, Malcolm chu 29 a ni ve thung a, kum khat chuang an inhual hnuah an inkutsuih ta a ni.
Anya Taylor-Joy leh Malcolm McRae innei
