Aizawla Assam Rifles ram luaha thing ding mek chu chhiarpui neiha chhinchhiah an duh thu Centre for Environment and Social Justice (CESJ) Mizoram chuan an thlen a. Assam Rifles hotute hian tha tiin thawhpui an inhuam tih an lo hrilh.
Hqrs 23 Sector Assam Rifles DIG Brig Girish Upadhya chuan Inrinni khan social activist, Centre for Environment and Social Justice (CESJ) Mizoram working chairman Vanramchhuangi chu lengah a sawm a. CESJ hruaituten an tawiawm.
Assam Rifles hotu hian Vanramchhungi hi dan loa tawlh, kuhva rah ro chungchanga hma a laknaah lawmthu hrilhin, lawmthu sawina thuziak a hlan a. Assam Rifles-in ramria dan loa thiltih a reh theihna tura hma an lak dan a lo hrilh. Assam Rifles hian an check point-ah body camera, CCTV leh complaint tur nei tana thlenna tur phone number an dah thu a sawi a ni.
CESJ hruaitute hian AR chhuahsan tur rama thing leh nungcha chu hun lokal zelah humhalh an nih theih nan thing chhiarpui neih an dilna chu AR hotu hian tha tiin, a tul anga puihbawm an inhuam thu a lo hrilh a ni.
AR ram luaha thing ding hote chhiarpui neih rawt
