ndian Council of Agriculture Research (ICAR) Research Complex for NEH Region Mizoram Centre, Kolasib leh AH&Vety Department Lunglei District leh Krishi Vigyan Kendra (KVK) Lunglei tangho huaihawtin Nilaini khan Lungleiah ar vulhtu hmanga kuthnathawktute khawsak tihhmasawn a nih theih dan tur zir hona leh Tribal Sub Plan kaltlanga ar vulh tanpuina semna hun hman a ni.
AH & Vety (Southern Zone) joint director Dr Lalmakthanga chuan Mizoramah ram dang atanga ar note lakluh a tam a, ar vulh kawngah state a la intodelh loa, hmasawnna tur a la tam tih a sawi. Lungleiah ar 48000 vel vulh ang leh thlatin ar 13000 talh anga chhut niin, Hnahthialah ar 28000 vel vulh ang leh thlatin ar 4500 talh anga chhut a ni tih a sawi. Ram dang atanga ar lalut loa, mahni vulh ngeia intodelh chu mi rama sum luangchhuak tur venna leh mahni ram chhunga sum chevel tihtamna a ni dawn tih a sawi a ni.
He hunah hian kuthnathawktu mi 50 (Lunglei atangin 29, Haulawng atangin 1 leh Hnahthial atangin 20) hnenah an mamawh chi hrang hrang – ar note, ar chaw, ar chaw pekna, ar tui pekna leh ar damdawi chi hrang hrang sem a ni a. KVK Lungleia subject matter specialist (Animal Science) Dr David Malsawmdawngliana’n hlawk zawka ar enkawl dan a zirtir a ni.
Ar vulh tura thlante pe
