Argentina-in Maffeo an ko
Club lama Mallorca thuam inbel mek Spanish defender Pablo Maffeo chu a vawikhatna’n world champion ni mek tana khel tura koh niin, Argentine FA chuan Zirtawpni khan tunthla World Cup qualifier pahniha Uruguay leh Brazil hmachhawn tur squad an puang a, a nu avanga Argentina tana khel thei kum 26 mi hming hi a rawn lang nawlh a ni!
Maffeo nu hi Argen-tine niin, Spain mi nihna nei mah se Spain ram tan senior level-ah kohna a la dawng lo a, club level-a a chet dan enin Argentina hian Maffeo thisena Argentine thisen luang chu an rawn man ta chat a ni.
Ani bakah hian Olympiakos left-back Francisco Ortega chu Ningani World Cup champion home game-a team tha Uruguay hmachhawn tur leh ninga liam ruala Brazil luhkhung tur squad-a newcomer dang kan hmuh leh chu a ni.
He South American team ropui hi a tum riatna atana Ballon d’Or chawimawina dawng hlimhlawt Lionel Messi chuan captain banhren hreng chungin a la ho chhunzawm zel dawn a; thla hmasa qualifiers-a hliam avanga che-chhuak thei ta lo Ben-fica forward Angel Di Maria pawh squad-ah a kirleh ta bawk.
Argentina hian vawili khelh tawh atanga point 12 hum chungin South Ameri-can quali-fiers-ah hma an hruai mek a; point sarih nen Uruguay chuan dawtin, pathum-na Brazil leh palina Venezuela-te nen an point hmuh a inzat.
Argentina-in Maffeo an ko
