riana Grande hla thar ‘We Can’t Be Friends’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-a a hla No.1 kai thei palina a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (ad-supported leh supscription audio leh video music services) leh download sales te chu tehna pawimawh a ni.
‘We Can’t Be Friends’ hi Ariana Grande studio album pasarihna, a thlangzarh thar ‘Eternal Sunshine’ atanga a single pahnihna a ni a, he album atanga a lead single ‘Yes, And?’ pawh he chart-ah hian a lo No.1 tawh bawk a ni.
‘We Can’t Be Friends’ hian kar khat chhungin ram hrang hrang 200 chuangah stream maktaduai 97.5 leh sales 14,000 a nei thei a, hei hi Billboard Global 200 chart-ah a No.1 pui ta a ni. Grande hla dang “Yes, And?’ pawh he chart-ah hian kar hnih a lo No.1 tawh a, The Weeknd nena an zai dunna ;Save Your Tears’ pawh 2021 khan kar khat No.1-in, a hla dang ‘Positions’ chu November 2020 khan kar hnih a No.1 tawh bawk. Hetihian solo artist zinga he chart-a No.1 nih ngun lamah Bad Bunny leh Taylor Swift a nih rual ta a, overall-ah chuan BTS-in hla pasarih No.1 kai thei neiin a sang ber thung.
Benson Boone ‘Beautiful Things’ chu No.1 atangin No.2-ah a tawlh a, Ye leh Ty Dolla Sign ‘Carnival’ featuring Rich the Kid leh Playboi Carti chu No.2 atangin No.3-ah a tawlh a, Teddy Swims ‘Lose Control’ chu No.4-ah bawk la awmin, Djo ‘End of Beginning’ chu No.6 a\angin No.5-ah a insawn ve thung.
Billboard Global 200 Top 10:
1 We Can’t Be Friends (Wait For Your Love) – Ariana Grande
2 Beautiful Things – Benson Boone
3 Carnival – ¥$: Ye & Ty Dolla $ign Featuring Rich The Kid & Playboi Carti
4 Lose Control – Teddy Swims
5 End Of Beginning – Djo
6 Texas Hold ‘Em – Beyonce
7 Yes, And? – Ariana Grande
8 Bling-Bang-Bang-Born – Creepy Nuts
9 Greedy – Tate McRae
10 Cruel Summer – Taylor Swift