Taylor Swift chu kar khat chhunga US-a zaithiam lar ber niin Billboard Artist 100 chart-ah a No.1 a, he chart-a a No.1 tawh zawng zawng belhkhawm chu kar 95 tling ta a, he chart-a No.1 ni rei ber a nihna a sawhnghet leh ta sauh a ni. Hetihrual hian Kali Uchis leh Ariana Grande te pawh top 5-ah an lang.
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian kar khat chhunga an album leh hla hralh tam dan te, streaming leh radio airplay te pawh tehna pawimawh a ni.
Taylor Swift hian a album leh hla a la hralh \ha tluang zel a, Billboard 200 (albums) chart-ah pawh a album 10 a lang thei a, Billboard Hot 100 (singles) chart-ah a hla pahnih a lang thei bawk a, hei hian Artist 100-ah pawh a dinhmun a la siam\ha hle a ni.
Swift album ‘1989 (Taylor’s Version)’ chu Billboard 200 chart-ah No.5 a la ni a, ‘Folklore’(No.8), ‘Lover’ (No.10), ‘Midnights’ (No.11), ‘reputation’ (No.22), ‘Speak Now (Taylor’s Version)’ (No.25), ‘Evermore’ (No.26), ‘Red (Taylor’s Version)’ (No.28), ‘Fearless (Taylor’s Version)’ (No.57) leh ‘1989’ (No.63) te chart-ah a la lang a, Hot 100 chart-ah pawh a hla ‘Cruel Summer’ chu No.3 niin, “Is It Over Now (Taylor’s Version) (From the Vault)’ chu No.17 a ni bawk.
Kali Uchis pawh No.2 niin, he chart-a a tawn san ber a la ni. Kali Uchis hian a album thar ‘Orquideas’ hralh \hat zar a zo a, he album hi Billboard 200 chart-ah No.2 a ni a, he album a hla \henkhat chu Hot 100 chart-ah a lang bawk a ni.
21 Savage pawhin a album thar ‘American Dream’ a hla \ha viau a, Billboard 200 chart-ah a No.1 pui a, hei hian Artist 100-ah pawh No.35 a\angin No.3-ah a vawrh nghal dawrh a, Morgan Wallen chu No.2 a\angin No.4-ah a tawlh ve thung.
Ariana Grande pawhin a hla thar “Yes, And?” hralh \hat zar a zo a, No.5 a ni. “Yes, And?” hi Billboard Hot 100 chart No.1-ah a debut a, hei hian Artist 100-ah pawh a vawrh sang ta a ni.
Billboard Artist 100 Top 10:
1 Taylor Swift
2 Kali Uchis
3 21 Savage
4 Morgan Wallen
5 Ariana Grande
6 Drake
7 Zach Bryan
8 SZA
9 Luke Combs
10 Olivia Rodrigo