Taylor Swift chu Billboard Artist 100 chart-ah a No.1 a, he chart-a a No.1 tawh zawng zawng belhkhawm chu kar 77 a tling ta a, Artist 100 chart-a a No.1 ni ngun ber a nihna a sawh nghet leh ta sauh e.
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian kar khat chhunga album leh hla an hralh that dan te, streaming leh radio airplay te chu tehna pawimawh a ni.
Taylor Swift hian a album leh hlate a la hralh tha tluang zel a, a album thar ber ‘Speak Now (Taylor’s Version)’ leh a album dang 10 te chu Billboard 200 (albums) chart-ah an lang a, Billboard Hot 100-ah a hla panga an lang thei bawk.
‘Speak Now (Taylor’s Version)’ hi Billboard 200-ah No.5 niin, Midnights (No.6), Lover (No.7), 1989 (No.9), Folklore (No.11), Reputation (No.17), Red (Taylor’s Version) (No.18), Evermore (No.24), Fearless (Taylor’s Version)(No.26), Taylor Swift (No.145) leh Speak Now (No.191) te chart-ah an lang bawk a, Taylor Swift hian kar ruk chhung zet chu Billboard 200 (abums) chart-ah a album 11 a lanpui tawh a, hmeichhe zaithiam zinga hetiang thleng thei hmasa ber niin, zaithiam damlai zingah a awm chhun a ni bawk. Hetiang tithei dang chu The Beatles leh Prince te chiah an la awm.
Billboard Hot 100 (singles) chart lamah pawh Swift hla panga- ‘Cruel Summer’ (No.4), ‘Karma featuring Ice Spice (No.14), ‘Anti-Hero’ (No.20), ‘Blank Space’ (No.46) leh ‘I Can See You (Taylor’s Version) (From the Vault)’ (No.71) te an lang bawk.
Oliver Anthony chu No.3-ah a debut a, ani pawh hian a hla viral ‘Rich Men North of Richmond’ zar a zo a, he hla hi internet lamah a darh vak hnuah Billboard Hot 100 chart No.1 a debut a, a hla dang ‘Aint Got a Dollar’ pawh No.82 a ni bawk Oliver Anthony hi zaithiam zingah Billboard chart chi hrang hranga a eng emaw bera vawi khat lanna a Hot 100 chart-a No.1 ni nghal thei awm chhun a la ni.
Travis Scott chu No.2-ah bawk a la awm a, Morgan Wallen chu No.3 atangin No.4-ah a tawlh a, Luke combs chu No.4 atangin No.5-ah a tawlh ta bawk.
Artist 100-ah Taylor Swift a la No.1
