Olivia Rodrigo leh Daniel Nigro te cu 2024 ASCAP Pop Music Songwriters of the Year-ah an thlang a, Rodrigo hian he chawimawina hi tum hnih a dawnna niin, 2022 khan a lo dawng tawh bawk a, Daniel Nigro tan a vawi khatna a ni ve thung. Hetihrual hian Rema featuring Selena Gomez ‘Calm Down’ chu ASCAP Pop Song of the Year-ah an thlang bawk.
Rodrigo leh Nigro te hi an lo thawk dun ve nual tawh a, Grammy song of the year nomination-ah pawh ‘Driver’s License’ leh ‘Vampire’ avangin an lo lang dun tawh a, best rock song-a ‘Ballad of a Homeschooled Girl’ avangin nominate an lo ni taw bawk.
Rodrigo hian tun kum thum chhung lek hian Billboard Hot 100 chart-a top 20 kai thei hla 17 a nei tling tawh a, chung zinga hla pathum- ‘Driver’s License,’ ‘Good 4 U,’ leh ‘Vampire’ te chu chart No.1 an kai nghe nghe a ni.
‘Calm Down’ hla hi Rema, Gomez, Michael Hunter, Amanda Ibanez leh Andre Vibez te phuah niin, a hla hian Hot 100 chart-ah No.3 kaiin, chart-ah hian kar 57 chhung a lang thei bawk.
ASCAP Pop Music Songwriters of the Year
