African Swine Fever (ASF) leng mek chuan Kolasib district-ah ziaawm lam a pan nia hriat a nih laiin, he hri laka vawk vulhtute leh mipui an him tlan zel theih nan district magistrate chuan dan tlawhchhan hmangin mipui zawm tur thupek a tichhuak.
Kolasib district chhungah ram dang leh state dang atangin vawk leh vawksa rep lakluh khap a ni a. ASF len lohna state-a APEDA/ FSSAI-in a pawmpui farm atangin vawksa atanga siam (frozen pork) lak phal a ni a, chutihrualin SOP zawm chungin AH&Vety director phalna lak hmasak tur a ni thung.
ASF infected area-a puanna khua atangin vawk, vawksa atanga siam reng reng Kolasib district-ah lakluh phal a ni lo a. Vawk damlo talh leh hralh khap a nih bakah vawk thi chu chinai nen thuk taka phum turin a ti. Vawk thi an awmin AH & Vety-a thawktute hnena report tur a ni bawk.
He thupek hian chhuah a nih atanga ni 60 chhung a huam dawn a, dan bawhchhia an awm chuan Section 188 IPC hmanga hrem an nih tur thu a sawi.
ASF laka himna tur duang
