NITI Ayog-in Ningania virtual event hmanga Aspirational Block Program 2023 delta ranking a tihchhuahah Ngopa Block chuan Zone 1 – hilly and North Eastern areas-ah lawman pahnihna la in cheng vaibelchhe 1 a dawng.
Aspirational Block Programme (ABP) hi NITI Aayog hmalakna a ni a, India ram pumah block hmasawn ngai zual thlanchhuah 500 hmasawnna chak zawka kalpui tumna atana ruahman a ni a. ABP hi Aspirational Districts Programme (ADP) zulzuia block level-a hmalakna a ni.
Block hi geographically-in zone parukah then an ni a, zone tin atanga block pahnih chu ranking pek an ni. Zone 1-ah hian tlangram leh hmarchhak state bakah thliarkar hote an tel a, pakhatna leh pahnihna chu Amri Block, West Karbi Anglong district Assam leh Ngopa Block, Saitual district Mizoram an ni.
He award-a tehfung, key performance indicators hi 40-a then a ni a, theme 5 a dah a ni bawk. Key performance indicators lian zual chu – health, education, agriculture and allied service, basic infrastructure leh social development an ni.
Inbiak hmuh theihna hmanga programme hman hi NITI Aayog vice chairman Suman Bery chuan a kaihruai a, NITI Aayog members – Prof. Ramesh Chand, Dr VK Paul leh Dr Arvind Virmani leh CEO BVR Subrahmanyam te an tel a ni.
Aspirational Block-ah Ngopa Block-in lawmman dawng
