Sawrkar laipui Ministry of Textiles-a joint secretary, Mamit Aspirational District leh Reiek Aspirational Block atana central Prabhari officer atan ruat ni bawk Padmini Singla chuan kar kalta khan Mamit a tlawh a. A kaihhnawih sawrkar department hmalak dan thlirpuiin harsatna an tawh chinfel dan a ngaihtuah pui.
Mamit bawrhsap Suvigya S Chandra hoin a kaihhnawih officer-te nen an thukhawm a, powerpoint presentation hmangin hnathawh tawh chin leh hmalak tum dan sawizaua inhrilhfiah a ni.
CPO Padmini Singla hian Beti Bachao Beti Padhao hnuaia hmalakna ‘Project Genesis’ a hawng nghal a. Project Genesis-in a tum tlangpui chu, institutional delivery tih san leh nu nau paite hrisel zawka nau an neih theihna tura an hamthatna ngaihtuah a ni. He project hi district pali – Mamit, Lunglei, Lawngtlai leh Siaha-ah kalpui a ni ang.
Thutkhawm zawh hian Mamit-a PM Shri Primary School- V, Vikas Bhawan sak mek, Hospital Complex thar leh Anganwandi Centre IX tlawhin thawktute a kawm a. Inrinni khan Reiek Aspirational Block a tlawh leh a. Sawrkar official-te nen an inkawm bakah Lentupui CLF Organic Turmeric Processing Plant leh Primary Health Centre te a tlawh.
Aspirational District leh Aspirational Block-a thlan central officer-in tlawh
