Assam in Lawi leh a kaihhnawih insualtir khap
Gauhati High Court chuan People for the Ethical Treatment of Animals (PETA) te’n petition an thehluh an ngaihtuah hnuin Lawi leh a kaihhnawih hmanga insualtirna awm thin chu an khap thu a sawi.
High Court chuan hemi chungchang hi thawhlehni khan ngaihtuahin, thupek a tichhuak nghal a, Assam sorkarin December 27, 2023 a Standard Operating Procedure (SOP) a tihchhuah, kum khat chhunga hun bituk (January thla) chhunga Bawng, Lawi leh sava lam chi insual phalsakna awmsa pawh he dan thar hian a huam nghal vek tur thu leh khap tel a nih tur thu a sawi.
Court thuchhuahin a tarlan danin he SOP siam hian May 7, 2014 a supreme court thutlukna awmsa a kalh avangin khap ngai a nih thu a sawi bawk.
PETA te petition thehluh hi Justice Devashis Baruah chuan Gauhati High Court-ah a ngaihtuah a, PETA in dan awmsa an tan chhan hrang hrangte chu ngaihtuah niin, court chuan an dinna leh tanchhan chu thu tling leh pawmtlakah ngaiin, heng khapnate hi a chhuah ta a ni.
Assam in Lawi leh a kaihhnawih insualtir khap
