Nick Kyrgios chuan thla thara khelh tur Australian Open atanga a inhnuhdawh thu puangin, nikum pawh khan season khata grand slam tournament hmasaberah hian a inlan thei lo tawh a, kum zawnin Melbourne Park-ah hmuh tur a awm dawn ta lo a ni.
Khup vei lam hliamin a tihbuai Australian hi 2023 season-ah inelna hmachhawn turin khelmual a lut tam thei lo a, kumthara season bultanna tournament lianah pawh a la inlan thei lo cheu dawn a ni.
Thla nga a chawlh hnuah kumin June thla khan a comeback match-ah Chinese Wu Yibing a hneh lo a, Stuttgart Open first round paltl, kha kha kumina match a khelh chhun a la ni.
Kum 28 mi hian a car an ruk a buaipuina lamah a kephah tinain, kumin French Open pakha a khel thei lo a, banrek hliam a neih zui leh avangin Wimbledon leh U.S. Open pawh a khel thei lo.
Online platform OnlyFans tihah Aus-tralian hian 2024 Aus-tralian Open a khelh theih dawn loh avanga a lunghnur thu tarch-huakin, hriatrengna duhawm tak tak a lo hnutchhiah tawhna khelmuala inlan theih loh hrehawm a tih thu sawi chungin dam fel tura hun a la mamawh hret thu a tarlang.
January 14-28 chhunga khelh tur Aus-tralian Open main draw Ningania tarch-huahah lang lo langsar a ni a, mahse, he Grand Slam-ah hian TV commentary lamah kan hmuh tho a rinawm.
Australian Open khel lo tur Kyrgios
