Australian Open women’s singles: Swiatek barakhaihtu Rybakina

Australian Open women’s singles:
Swiatek barakhaihtu Rybakina
Australian Open 2026 kal mek hi six-time Grand Slam champion Iga Swiatek-i tan major title a lak kimna tur ni tawh tura beiseina kal mek chu nimin khan a tawp fel ta a, hmeichhe singles quarter-final match pakhatah Pole hi rinkai lo zawk Kazakh fifth seed Elena Rybakina chuan 7-5, 6-1-in a hnawtchhuak daih!
Fifth seed Rybakina hian a hnehna sualchhuahin a tihhlim takzet thu sawi chungin Melbourne Park-a a tumpui nen khan inhrechiang tawn tak an nih thu leh khati ang player lakah kha chuan hriam hrak reng a pawimawh thu a tarlang tel.
Number two seed Swiatek kha kum 2012 hnu lama Maria Sharapova dawta Grand Slam singles title hrang pali la kim vek thei player hmasaber nih tuma Melbourne Park thlawklut a nih laiin a hlawhchham leh ta rih phawt.
Reigning Wimbledon champion Swiatek hian kum 24 a tlin hnuah pawh ball sawh ran bikna Melbourne court-te hi a la hmang thiam thei meuh lo a tih theih ang a; chutih laiin Wimbledon champion hlui Rybakina lah hi baseline atanga ball ropui hlap chhuak thin kha a la ni reng a, Pole hman thiam loh mualah a dingchang ta zawk lel a ni!
Swiatek chuan Australian Open court-a a harsatna tawh chungchang sawichhuakin, ball kal rang lutuk kha a buaina a nih thu a pha bik lo.
Grand Slam tournament khelhna khelmual hrang pathumah champion tawhin, a career-ah major title paruk a la tling tawh a, Melbourne Park-ah la hlawhtling zo lo mah se Poland nula lian lo ve tak hi hmeichhe tennis player piang chhuak tawh zinga ropui zualho zinga rinluh a ni pha ve tawh tho!
Kumin Wimbledon grass-ah hian a title kawl lai humhimin, Open era china Grand Slam singles title hrang pali hawn kim thei hmeichhe player parukna a nih tho beisei zui phawt teh ang!
Kum 2023-a Australian Open runner-up lai lo han ni ve tawh Rybakina hian vawiin semi-final match pakhat zawkah American sixth seed Jessica Pegula a tum leh ang.
Kum 31 mi ni tawh chunga senior la tum lo Pegula hian nimin vek khan 6-2 7-6 (7-1)-a fourth seed Amanda Anisimova hnehin last four a lut ve bawk.