2023 Ballon d’Or dawng thei tura chhawpchhuah mi 30 zingah Argentina legend Lionel Messi langsar leh berin, kuminah pawh rinkai a ni leh mek.
30-man shortlist tarchhuah takah hian England player pathum bakah Manchester City player pasarih ngawt an lang.
England star zinga nomina-tion hmute chu Jude Bellingham, Bukayo Saka leh Harry Kane-te niin, City player pasarih lang zingah Erling Haaland a langsar a; Premier League player 12 hming hmuh tur a awm.
Nominee zinga tel midfielder Bellingham leh striker Kane hian kumin nipui insuan hun lai khan Real Madrid leh Bayern Munich an pan a, an club tharah an chethain an langsar ve ve nghal.
Treble-winning Manchester City tana khel mek zinga nomina-tion hmute zingah record-breaking goalscorer Haaland hming tarlan a ni tawh a, midangte chu Kevin de Bruyne, Ruben Dias, World Cup winner Julian Alvarez, Bernardo Silva, Rodri leh Josko Gvardiol-te an ni.
Croatia defender Gvardiol hi season liamta khan City-ah a la awm hman lo a, tuna Barcelona lama kal ta Ilkay Gundogan nen shortlist zingah an tel.
Premier League nominee dangte chu Arsenal star pahnih Saka leh Martin Odegaard, Liver-pool forward Mohamed Salah, Manchester United keeper Andre Onana leh Aston Villa goalkeeper Emiliano Martinez-te an ni.
Kumin nipui laia Europe chhuahsan zingah shortlist-a tel pahnih an awm a, pakhat zawk chu Paris St-Germain atanga Inter Miami lama kal ta Messi niin, pakhat dangleh chu award kawltu ni mek Karim Benzema niin, Real Madrid chhuahsana Al-Ittihad lama insawn ta kha a ni.
Messi tih loha he chawi-mawina dawng ngun ber ni tura vawinga an hlan tawh Cristiano Ronaldo chu kum 2003 hnu lama a vawikhatna’n nominate a ni lo!
Borussia Dortmund atanga Real zawm hlim Bellingham chu best young player award (Kopa Trophy) dawng thei tura chhawp-chhuah player 10 zingah telin, Manchester United striker thar Rasmus Hojlund pawh nominate a ni ve bawk.
Arsenal leh England star Aa-ron Ramsdale chu world’s best keeper chawimawina (Yashin Trophy) dawng thei tura chhawp-chhuah mi 10 zingah telin, Pre-mier League goalkeeper hming lang pali zingah pakhat a ni a, a dangte chu Onana (Manchester United), Ederson (Manchester City) leh Martinez (Aston Villa).
Ballon d’Or nominees
Josko Gvardiol (Manchester City, Croatia)
Jamal Musiala (Bayern Munich, Germany)
Andre Onana (Manchester United, Cameroon)
Karim Benzema (Al-Ittihad, France)
Mohamed Salah (Liverpool, Egypt)
Bukayo Saka (Arsenal, England)
Kevin de Bruyne (Manchester City, Belgium)
Jude Bellingham (Real Madrid, England)
Randal Kolo Muani (Paris St-Germain, France)
Bernardo Silva (Manchester City, Portugal)
Khvicha Kvaratskhelia (Napoli, Georgia)
Nicolo Barella (Inter Milan, Italy)
Emiliano Martinez (Aston Villa, Argentina)
Ruben Dias (Manchester City, Portugal)
Erling Haaland (Manchester City, Norway)
Martin Odegaard (Arsenal, Norway)
Ilkay Gundogan (Barcelona, Germany)
Yassine Bounou (Sevilla, Morocco)
Julian Alvarez (Manchester City, Argentina)
Vinicius Jr (Real Madrid, Brazil)
Rodri (Manchester City, Spain)
Antoine Griezmann (Atletico Madrid, France)
Lionel Messi (Inter Miami, Argentina)
Lautaro Martinez (Inter Milan, Argentina)
Robert Lewandowski (Barcelona, Poland)
Kim Min-jae (Bayern Munich, South Korea)
Luka Modric (Real Madrid, Croatia)
Kylian Mbappe (Paris St-Germain, France)
Harry Kane (Bayern Munich, England)
Victor Osimhen (Napoli, Nigeria)