Bana Kaihna atan khaw 800-ah society din tawh
Mizoram sawrkar flagship programme – Bana Kaih Scheme kalpuina atana rinchhan tur primary agricultural credit society (PACS) chu khaw 800-ah din fel a ni tawh tih Cooperation minister PC Vanlalruata chuan a sawi.
November 14 kha All India Cooperative Week vawi 71-na a ni a, Mizoram district hrang hrangah pawh hman niin, Aizawla hmanpuitu Cooperation minister chuan, kumin Cooperative Week thupui “Role of Cooperatives in Building Viksit Bharat” tih chu a pawimawh tiin, India ram chu hmasawnna kawnga thang duang tak a ni a; chumi ruala hma sawn ve tuma hna thawh a ngai tih a sawi. India ramin kum 2047-ah ‘developed country’ ni tura chak taka ke a pen mekna tihlawhtling turin a huhoa cooperative society anga hma lak a pawimawh tih a sawi bawk.
Mizoram sawrkarin kuthnathawka eizawngtute leh thiamna leh theihna nei, mi harsate khaichhuahna turin Bana Kaih Policy a kalpui mek tih Agriculture minister ni bawk PC Vanlalruata hian a sawi a. Khaw 800 ah PACS din a nih tawh a. Hengte hian tha taka hna an thawh theihna turin Cooperation department leh federation zawng zawng tanrual leh vilpui a pawimawh tih a sawi. Kuthnathawktu chu cooperative society-a thawh hlawk ber zing ami an ni tih a sawi bawk.
Bana Kaihna atan khaw 800-ah society din tawh
