Bana Kaihte loan lak interest
hmasa ber sawrkarin a rulhsak
Mizoram sawrkar flagship programme ‘Bana Kaih Scheme’ hnuaia Chief Minister’s Special Package chu Thawhtanni khan sem chhuah a ni a. Bana Kaih Scheme hnuaia loan laten a pung an lo rulh tawh peklet a ni bawk.
Bana Kaih Scheme kaltlangin kumin February 10 thleng khan chhungkaw 384 hnenah loan pek a ni tawh a, an sum pek hi Rs. 34,0389,928 a tling tawh. Loan rul tha, an loan punna (interest) hi sawrkarin thla ruk danah a pek sak dawn a, thla ruk dana a punna hmasa ber Rs. 15,92,138 chu loan petu bank kutah pek a ni.
Phase-I hnuaia loan hmu tur thlan tawhte bakah Phase-II hnuaia loan hmu tur chhungkaw 147 thlan an ni leh tawh a. Tun thlengin CM Special Package hnuaia progress partner 2713 hnenah Rs. 22,62,51,870 pek chhuah a ni a. Phase-II ah chhungkaw 458 hnena pek tur Rs. 2,28,93,500 chu Thawhtanni vek khan tihchhuah a ni a. Phase-II kalpui hnu in progress partner 917 thlan a nih tawh.
Hmanpuitu adviser to chief minister (Handholding) Dr KC Lalmalsawmzauva chuan, CM Special Package dawngtu zinga hma la tha thlanchhuah a ni anga, an tan lawmman buatsaih a ni dawn tih a sawi. March thla chhung hian Mizoram district tinah Bana Kaih Scheme inhrilhfiah thar a ni dawn tih a sawi bawk.
Bana Kaih Scheme kalpuitu sawrkar department leh agency 21-a nodal officer, assistant nodal officer-te leh a thawhpui bank – MRB, SBI, MCAB, IDBI leh UBI Bank-a thawktute an tel.
Bana Kaihte loan lak interest hmasa ber sawrkarin a rulhsak
