Bangladesh-ah lungawilohna lantir

Bangladesh university students te chuan recruitment system war heroes fa te leh sorkar hnathawk sang te fa te duhsak bikna an tih chu duh lovin lungawilohna liantham takin an lantir.
Zirlaite chuan recruitment system hman mek chu thleibikna tia sawiin sorkar hnalak te chu merit a kalpui an ngiat a ni.
Bangladesh-ah hian hnaruakah hmun thuma thena hmun khat chu kum 1971 independence neih nana beitute fate tan dah a ni a. Hei bakah hian hmeichhia, ethnic minority leh disabled te tan reserve siam a ni bawk.
Sawiseltute chuan system hman mek chuan pro-government group Prime Minister Sheikh Hasina, January thlaa a term li nana thlantlin leh thlawptute a duhsak a ni an ti.
Hasina hi Bangladesh founding leader Sheikh Mujibur Rahman fanu a ni.
Tunkar tir lam khan zirlaite chuan capital Dhaka a kawngpui leh highway te chu dangchatin khawpui lian hrang hrang lungawilohna an lantir avangin traffic jam a nasa hle a. Lungawilote chuan Bangla Blockade tiin an sawi bawk a.
Capital Dhaka a railway track-ah te thingfak te dahin chu chuan Bangladesh hmar lam train service a tibuai hle a ni.
Bangladesh top court chuan recruitment system sorkarin a hman mek chu Nilaini khan a suspend rih chungin lungawilohna lantirtute chuan nuai bo a nih hma chuan an chawlhsan dawn loh thu an sawi thung.
He system hi kum 2018 khan lungawilohna nasa taka lantir a nih hnuah hman chhunzawmlohin a awm reng a, mahse, court chuan thla kalta khan hman leh tur tiin thutlukna a siam a ni.
“Kan thil ngiatte tihhlawhtlin a nih hma chuan classroom ah kan let rih dawn lo” tiin protest leader Rasel Ahmed chuan a sawi.
“Ka demand chu system cancel a ni lo, ka demand chu quota reform a ni” tiin zirlai pakhat chuan a sawi a. Permanent solution a awm hma chuan lungawilohna an lantir zel tur thu a sawi bawk.
Bangladesh ah chuan sorkar hna chu hna ropui anga ngaih a ni a, a chhan chu an hlawh a that vang a ni. Bangladesh ah hian sorkar hnaa a zahve vel lawih chu reserve hrang hrang te chanpual a ni a.
Bangladesh hi khawvela ram rethei ber pawl ni reng thin a ni a, tunah erawh Asia khawmualpuia economy thang chak ber te zinga mi ni mek a ni a.
Tun hnai kum sawm chhungin a per capita chu a let thumin a pung a, World Bank chuan tun hnai kum sawm hnih chhungin mipui 25 million te chu rethei bakberh ata khaichhuah an ni a ti.