Bangladesh Awami League-in an mi leh sa thi zat puang

Bangladesh Awami League-in an mi leh sa thi zat puang
Bangladesh-a political party hlun ber Awami League chuan kumin July thla atanga buaina a inmung tan hnu khan an hruaitu leh activist 400 chuang Islamist pawl leh Jamaat-e-Islami ten an thah tawh thu an sawi.
Awami member tam zawkte chu hruaibo luih an nih hnua thah an nih thu sawi a ni a, heng zawng zawnga hnarkaitu lian tak chu Jamaat student lam hruaitu Chhatra Shibir a nih thu party thuchhuah chuan a tarlang bawk.
Tun hnai khan Awami League hian July thla atanga an mi leh sa thah zinga 394 te hming an tichhuak a, heng an tarchhuahte hi list hmasa a nih rih thu leh, hun rei loteah helna chawkchhuaktuten an mi leh sa an thahte hming an tarchhuah leh tur thu an sawi.
August ni 5-a Sheik Hasina kaihhruai Awami League sorkar a tlak hnu khan ram pumah buaina chhuak nghalin, party hruaitute leh an chhungte thlengin beih an tawk a, September leh October thla chhung phei kha chuan pawikhawihtute thunun tumna a awm loh avangin party hian an sepui ruah tuar ngawt ngawt mai thu an sawi bawk.