Basketball champion Mizoram
August 9, Nilaini khan 48th National Sub Junior Basketball Championship 2023 chu Puducherry-ah khelh zawh a ni a, Mizoram an champion.
He inelnaah hian Mizoram hi Group A-ah awmin, Maharashtra, Uttar Pradesh leh Kerela te an awm ho va. Final-a an hmachhawn zui leh tak Uttar Pradesh tih loh hi chu an group-a an awm puite an sawp vek. Pool match-ah tlawm an nei lova, group champion an ni. Group champion an nih hnuin quarter-final-a an khingpui Jharkhand 72 – 30 a sawpin semi-final an lut. Semi-final-ah Haryana chu 69 – 40 in an hneh zui leh a, final an lut.
Final-ah hian pool match-ah 73- 64 a an lo hneh tawh Uttar Pradesh an hmachhawn a. Final-ah tha zual zawkin an inlan a, point kua leka an lo hneh tawh lakah hian point 25 zetin an chung a. Point 63 – 38 in Uttar Pradesh hi an sawp a, phu takin an champion zui ta a ni. Basketball-ah Mizo rawlthar ten hmabak eng tak an nei tih lantirin a awm leh ta.
Basketball champion Mizoram
