Basketball in-pass rang record siam
Guinness World Record siam lama mikhual tawh lo tak mai, a khat tawka record siam deuh reng Idaho a cheng David Rush chuan record thar a siam leh ta a, tun tumah hian Boise State Broncos player Dillon Lukehart nen minute khat chhunga basketball in-pass rang ber record an siam a, vawi 101 an in-pass hman.
David Rush hian a hmain hetiang record hi a lo siam tawh a, a thenawmpa, record a lo siampui fo tawh Jonathan Hannon nen minute khatah vawi 93 in-pass hmanin record an siam a, mahse, an record hi midangin rawn khumin, vawi 96 an in-pass hman a, he record hi an rawn khum ve leh ta a ni.
David Rush hian Guinness World Records hi 250 chuang a siam tawh a, khawvelah Guinness World Records siam hnem ber erawh a la ni pha chuang lo a, kumin hian a record siam hi 300 tlin hman ngei tumin tan a la nasa hle a ni. Nikum pawh khan kum khat chhungin record 50 chuang a siam thei a ni.
Basketball in-pass rang record siam
