Bawnghnute ngah lo telh telh

Tun hnaiah Mizoramin bawnghnute a ngah lo telh telh a, kum li chhung chu bawnghnute neih zat a tlahniam tawh.
Mizoram Economic Survey bu thar berah Mizoramin bawnghnute a thar chhuah zat hi tarlan a ni a, 2020-21 hnuah bawnghnute thar chhuah zat hi a tlahniam.
Mizoram Economic Survey bu-a a lan danin 2020-21 khan bawnghnute hi Mizoramin ton 25378 a nei a, 2021-22 khan ton 24588, 2022-23 khan ton 24481 a nei.
Kum thum chhungin kum tin a tlahniam a, a kum lina 2023-24 chhunga neih tur zat pawh ton 24481 tura chhut a ni.
Indian Council of Medical Research (ICMR)-in mihringin bawnghnute a mamawh zat atanga chhuta Mizoramin bawnghnute a mamawh zat chu kum khatah ton 126364 a ni a, 2023-24 chhunga Mizoramin a thar chhuah zat (ton 24481) atanga chhutin Mizoramin bawnghnute hi tone 101883 a mamawh belh tihna a ni.
ICMR hian ni khatah mi pakhatin bawnghnute hi gms 240 a mamawh tiin an chhut a, Mizoramin a neih zat atanga tehin, mi pakhatin ni khatah gms 46.50 zel an chang thei.
Bawnghnute hi Mizoramin hmun dang atangin a chaw lut hnem a, 2023-24 khan litre nuai 76.5 chawk luh a ni tiin Economic Survey bu-ah chuan tarlan a ni.