An studio album hmasa ber ‘Please Please Me’ an tlangzarh atanga kum 60 a liam tawh hnuah Beatles hla hnuhnung ber tur ‘Now and Then’ an tlangzarh ta.
He Beatles hla hi an tlangzarh dawn tih thawm a awm atanga ngaihven hlawh nghal a ni a, kumin June thla khan Sir Paul McCartney chuan AI hmanga he hla hi tihzawh theih an tum thu a lo sawi tawh a, “Sawi tur a la tam vak lo, mahse, artificial chu a ni lo. A tak vek a ni a, kan vaiin kan play vek. Recording awmsa thenkhat kan tifai a, a kum tel kan lo buaipui tawh a ni,” a ti.
McCartney chuan AI hi background noise leh instruments atanga vocal track thliar hran an hman niin a sawi a, an bandmate boral tawh John Lennon vocals an recording hlui atanga lachhuak a, ‘Now And Then’ final master atan an hmang niin a sawi bawk.
‘Now And Then’ hi 1997 vela John Lennon a phuah niin, solo piano track a record a ni a, 1980-a Lennon thih hnuah a demo zawh fel loh a darh a, Beatles reunion single anga ngaih thin a ni a, an dahbo vang vang hnuah tunah an tichhuak ta a ni. A music video pawh The Lord of the Rings: The Return of the King director Peter Jackson kutchhuak a ni e.
Beatles hla hnuhnung ber tur an tlangzarh
