Chelsea goalkeeper hlui Petr Cech chuan football a chawlhsan hnuah ice hockey luh-chilhin, tunhnaiah a club hlui Belfast Giants tana khel leh turin loan in-remna an tifel.
Elite League ice hockey team Belfast Giants nen hian hun rei lo zawk inremna (short-term loan deal) an ziak a, chumi zawh lamah chuan National Ice Hockey League club Oxford City Stars-ah kir zui leh mai tura ngaih a ni.
Nikum November thlaa Belfast a zawm lai khan 5-1-a Glasgow Clan an hneh tumin Giants tan Cech hi a lo inlan tawh a, tuntuma kirleh tura inremna an siam hnuah footballer hlui chuan Giants zawm tura Belfast khawpui a lut leh tur hlimawm a tih thu a sawi.
Cech hian kum 2004 atanga 2015 chhung khan Chelsea tan football game 330 chuang khel tlingin, a hnuah kum li chhung atan London club dang Arsenal a zawm zui leh ta a nih kha.
Kum 2019-a profe-ssional football a chawlh-san khan English Premier League title pali, FA Cup panga, League Cup pathum, Champions League trophy pakhat leh Europa League title pakhat a la hman.
Czech Republic tan pawh match 124 khel tlingin, 2006 World Cup bakah kum 2008 leh 2012 khan European Championship a lo khel tawh bawk.
Tarlan tawh thin angin, a football career zawh hnuah coaching lam emaw luhchilh loin ice hockey a khel zui a, Guildford Phoenix chu a team hmasaber niin, a hnuah Chelms-ford Chieftains leh a team vawn lai Oxford City Stars lamah a insawn a, loan-in Belfast lamah a kal zawk dawn a ni.
Belfast Giants-ah Petr Cech kirleh
