Bell pepper chu hmarchapui chikhat, capsicum kan tih zing ami a ni a, chutiang hmarchapui lian zet mai chu an thar a, kg khat dawna rit niin, Guinness World Records-in khawvela bell pepper lian berah a puang.
September ni 27-29 khan UK National Giant Vegetables Championships chu Worcestershire-ah an nei a, Ian Neale, kum 81, chuan a bell pepper thar a entir ve a, gram 966 a rit niin, he hmarchapui lian hi Guinness World Records chuan khawvela bell pepper lian berah a puang ta a ni.
He thlai entirsiaknaah hian Nottingham khawpa, Joe Atherton pawhin record siam thei khawp thlai thar a entir a, buluih sei ber tharin, a buluih thar hi feet 15 leh inches 10.6 a sei a ni. Ani hian carrot sei ber te pawh a lo thar tawh a, a carrot thar sei ber chu feet 20 leh inches 5.86 a sei a ni.
Bell pepper lian ber
