Benson Boone hla hit ‘Beautiful Things’ chu Billboard Global 200 chart-ah a No.1 a, he chart-ah hian kar thum a No.1 tling ta a, hetihrual hian SZA hla thar ‘Saturn’ pawh No.5-ah a debut bawk.
Billboard Global 200 chart hi kar khat chunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) bakah download sales te chu tehna pawimawh a ni.
Benson Boone ‘Beautiful Things’ hian kar khat chhungin stream maktaduai 71 leh sales 30,000 a nei thei a, chart-ah No.2 atangin No.1 a kai leh ta a ni. He hla hi a cappella, acoustic, instrumental, piano instrumental leh sped-up mix an tichhuak a, hei hian a hla a tilar thar leh ta a ni.
Beyonce ‘Texas Hold ‘Em’ chu No.1 atangin No.2-ah a tawlh a, Ye leh Ty Donna Sign ‘Carnival’ featuring Rich the Kid leh Playboi Carti chu No.3-ah bawk a la awm a, Teddy Swims ‘Lose Controls’ pawh No.4-ah bawk a la awm.
SZA hla thar ‘Saturn’-in stream maktaduai 43.3 leh sales 2,000 neiin, No.5-ah a debut a, he chart-a SZA hla top 10-a lang thei parukna a ni.
Billboard Global 200 Top 10:
1 Beautiful Things – Benson Boone
2 Texas Hold ‘Em – Beyonce
3 Carnival – ¥$: Kanye West & Ty Dolla $ign Featuring Rich The Kid & Playboi Carti
4 Lose Control – Teddy Swims
5 Saturn – SZA
6 Cruel Summer – Taylor Swift
7 Greedy – Tate McRae
8 Stick Season – Noah Kahan
9 La Diabla – Xavi
10 Lovin On Me – Jack Harlow
Benson Boone ‘Beautiful Things’ a lar ber
