Benson Boone hla hit ‘Beautiful Things’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-a kar hnih a No.1-na a ni ta. Hetihrual hian Ye leh Ty Dolla Sign te hla thar ‘Carnival’ pawh No.2-ah a debut.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official only streams (subscription leh ad-supported audio leh video music services) leh download sales te chu tehna pawimawh a ni.
Benson Boone ‘Beautiful Things’ hi kar khat chhungin stream maktafuai 57.8 leh download sales 12,000 a tling a, hei hi chart-ah a No.1 pui leh ta a ni.
Ye leh Ty Dolla Sign ‘Carnival’ pawhin stream maktaduai 46 leh sales 4,000 nei theiin No.2-ah a debut. He hla hi an album intawm ‘Vultures 1’ atanga an single a ni a, Global 200 chart top 10-ah Ye hi vawi li a lanna niin, Ty Dolla Sign tan a vawi khatna a ni ve thung.
Nikum November-a he chart-a tum khat lo No.1 tawh Taylor Swift ‘Cruel Summer’ chu No.5 atangin No.3 a kai thar leh ta.
Beyonce country hla thar ‘”Texas Hold ‘Em” chuan stream maktaduai 31.9 leh sales 48,000 neiin, No.4-ah a debut a, Xavi ‘La Diabla’ chu No.7 atangin No.5 a kai thar ve leh ta bawk.
Billboard Global 200 Top 10:
1 Beautiful Things – Benson Boone
2 Carnival – ¥$: Kanye West & Ty Dolla $ign
3 Cruel Summer – Taylor Swift
4 Texas Hold ‘Em – Beyonce
5 La Diabla – Xavi
6 Greedy – Tate McRae
7 Lose Control – Teddy Swims
8 Stick Season – Noah Kahan
9 Lovin On Me – Jack Harlow
10 Flowers – Miley Cyrus
Benson Boone ‘Beautiful Things’ a lar ber
