Rashtriya Swayamsevak Sangh (RSS) chief Mohan Bhagwat an volunteer te hnenah hmasawnna in tawp a nei lo, miten ‘pathian’ nih an duh tia a sawi chu Congress MP Jairam Ramesh chuan RSS chief thusawi chu Prime Minister Narendra Modi a sawina a ni a ti.
Mihring te duhamna chuan tawpintai a nei lo tiin Bgahwat chuan Jharkhand a Bishnupur a no-for-profit organisation Vikas Bharti tena village-level worker’s meeting an neihnaa thu a sawinaa a sawi a ni a.
“Hmasawnna in tawp chin a nei em? Kan tum kan tihhlawhtlin tawh chuan tihbelh tur kan hre zel a ni. Mihringin Superman nih a duha chumi hnuah pathian nih a duh leh a ni. Chhunglam leh pawn lama hmasawnna hian tawpchin a nei lo” tiin Bhagwat chuan a sawi a.
RSS cheif thusawi chu behchhanah hmangin Ramesh chuan, “Self-anointed non-biological PM hian Lok Kalyan Marg tuma Jharkhand atanga Nagpur in Agni Missile a kahchhuah thu hi a hriat ngei tawh ka ring” tiin a sawi.
Non-biological PM tia Congress tena prime minister Narendra Modi an sawin chhan ber chu Lok Sabha inthlan hmaa interview a neihnaah Prime Minister Modi chuan a nu damlai kha chuan biologically in a nu hrin nia a inhriat thlap thu a sawi a.
“Min boralsan hnuah chuan ka tawnhriat hrang hrang te ka ngaihtuah a, pathianin min tir niin ka hria. Ka energy te hi ka biological body atangin a ni thei lo, pathianin min pek a ni” tiin a sawi a ni.
Congress ten tihsan phut
“Real wages a tlahniam” tia sawiin Congress te chuan National Democratic Alliance (NDA) government’s Union Budget chuan ram pum huapin minimum wage chu Rs 400 ah tisang rawh se tiin an phut thu an sawi.
Congress general secretary (communication) Jairam Ramesh chuan thuchhuah a siamah data hrang hrang, sorkar statistic ngei pawh tela an lakkhawmah ‘hnathawk te chuan kum 10 kalta aiin tunah thil an lei tlem thei zawk’ tiin a sawi a. Labour Bureau’s Wage Rate Index chuan labourers te real wage chu kum 2014-2023 inkar chhungin a che tawh lo va, a nihna takah chuan kum 2019-2024 ah a tlahniam zawk tiin a sawi.
Ministry of Agriculture’s data ah pawh a tlahniam tia sawiin Ramesh chuan, “Prime Minister Dr. Manmohan SIngh a nih lai khan agricultural labourers te real wage chu kum khatah 6.8% in a thang a. Modi hnuaiah chuan agricultural labourers te real wages chu kum tinin -1.3% in a tlahniam a ni” tiin a sawi bawk.
Congress GS Jairam Ramesh te cuan Congress te chuan Lok Sabha inthlana manifesto an siamah hlawh tihsan a nih theih nan ram pum huapin minimum wage chu Rs 400 ah tihsan an intiam tiin a sawi bawk.