Thawhtanni hian Bharat Jodo Yatra (BJY) chu neih zawh fel a ni dawn ta a, Congress tena an tih leh pawimawh hmasak tur chu party chief atana thlan thar Mallikarjun Kharge tana team thar din a ni.
Party chief hlui leh Lok Sabha member Rahul Gandhi chu party chief campaigner atana dah a nih hmnek a, mahse, team thar te chuan party top leadership leh Gandhis te inkarah leilawn dawhna pawimawh tak an neih a ngai dawn a ni.
Tun dinhmunah he leihlawn dawh mektu chu general secretary in-charge of organisations, K.C. Venugopal niin Rahul Gandhi nena an inkarna a that mai bakah Sonia Gandhi leh Priyanka Gandhi Vadra te nen pawh an inhnimhnai hle bawk.
BJY neiha Kanniyakumari atanga Kashmir thlenga ke ngata 3,000 km kalah kum 59-a upa Rahul Gandhi chu a sulsutu ber a ni a.
Congress-te chuan an project turu ber pakhat an kalpui mek hlawhtlin theih nana meizang hlaptu ber pakhat ni bawk chu organisation general secretary a ni bawk a. Logistics atanga Gandhi security detail chungchanga sorkar thuneitute nena inbiakna tinah te Venugopal chu a sulsutu ber a ni.
Yatra-in Punjab leh Jammu and Kashmir (J&K) a luh dawn tum pawh khan Congress general secretary hian Punjab Chief Minister Bhagwant Mann leh J&K Lieutenant Governor Manoj Sinha te chu yatra in sensitive area te buaina awm lova a paltlang theih nan a hmu a ni.
Delhi hnaiha Yatra neih laiin Rahul Gandhi security pek a that tawk loh avangin Venugopal hian Home Minister Amit Shah chu nikum December thla khan lehkhathawn a thawn zui hmiah bawk a.
Karkalta Zirtawpni pawh khan J&K a Kulgam-ah security fel lo a awm nia sawi niin Venugopal hian video nen post nghalin, “Security hmuh tur an awm lo, D-area te luhchhuah theih niin Rahul leh Yatris te venhim miah lohin an awm. Thuneitu ten rang taka hma an lak kan phut e,” a ti zui a ni.
Chung thil piah lamah chuan Venugopal chuan organisation work te khawih tel vek thovin nikum October thlaa party president thlanna te bakah a chawrchhuahna Rajasthan state a Ashok Gehlot leh Sachin Pilot te inbakkaihna te pawh a chinfel vek ngai a ni bawk.
Congress Working Committee (CWC) thar din leh turah pawh Venugopal hian a hna pangngai a chelh zui tho rin a ni a, mahse Congress tena Udaipur Chinrtan Shivir an neihah khan office-bearer term kum nga ni se an ti thung.
Udaipur Delcaration-ah khan Congress te chuan ‘one person-one post’ principle kalpui tur an ti chungin tun thlengin Kharge ngei pawh Rajya Sabha a Leader of Opposition a la ni reng a, Congress chief a ni tho bawk.
Heng chungchangte hi Congress Plenary neih hunah felfai zawka chinfel tum a ni dawn tiin All India Congress Committee (AICC) a senior functionary chuan a sawi.
Plenary hi February 24 leh 26 ah Raipur-ah neih a ni ang a, hetah hian Kharge chu party president atana pawmna mai bakah CWC thlanna tur kawng hawn a ni ang a, CWC hi Congress a thuneitu sang ber a ni.