Bial Hmeichhe Inkhawmpui

February 9-11 chhung khan bial hrang hrangah Mizoram Presbyterian Kohhrana hmeichhe pawl, Bial Kohhran Hmeichhe Inkhawmpui neih a ni.
Zirtawpni zan kha palai lawm leh report inkhawm a ni a. Inrinni khan rorel niin, zanah vantlang Pathian biak inkhawm neih a ni. Pathianni chawh chawhnu leh zanah inkhawmpui neih chhunzawm a ni.
Inkhawmpui hman dan tur hi Bial Hmeichhe Committee-in ngaihtuahin a remchan dan anga hman thin a ni a; bial hrang hranga hman dan a inang vek lo. Bial thenkhatah thupui thlan bik neiin speaker-ten an sawi a, bial hruaituten an insawi chhawk pawh a awm. Kristian Chhungkua leh Buhfaithama inelna lawmman hrang hrang sem thin a ni bawk.
Bial inkhawmpui hmanpui hian Kohhran Hmeichhia Central Committee member-te hmun hrang hrangah an kal a ni.
Kohhran Hmeichhe inchhiarna hnuhnung bera a lan danin tunah Presbyterian Kohhran hnuaiah hmeichhe member 192490 an awm a; member tam berna bial chu Champhai Vengthlang niin 2992 an awm a, member tlem berna bial chu Buarpui niin 38 an ni.