Bible zirlaite hnenah scholarship pe
Rev Dr Vanlal Nghaka Foundation chuan Bible College-a zirlai mi pathum hnenah scholarship an hlan.
Kum 2024 khan Rev Dr Vanlal Nghaka Foundation hi din a ni a. Nikum hian Rev Dr Vanlal Nghaka Award sem niin, Upa LN Tluanga leh Rev VL Zaithanga ten an dawng a. Bible College zirlai tan scholarship hi sem chhuah a ni tawh bawk.
Kuminah scholarship dawng turin mi pathum thlan an ni a. Emanuel VL Hmangaihzuala s/o K Lalrinzuala, BD II year (Alahabad Bible Seminary zirlai), Vanlaltanpuia s/o H Vanlalhruaia, BD I year (Serampore College), Vanlalfakzuala s/o Vanlalmuanpuia, IV year (John Roberts Theological College zirlai) an ni.
Chhungkaw aiawha thusawitu Dr Lalmalsawma Nghaka chuan zaithiam, film chan thiam, inkhelh thiamte chawimawi an ni thin a. Pathian rawngbawltute hian chawimawina dawng ve se, tih chu an ngaihdan a ni a. Khawsak harsa tak chunga Bible zirte an puih ve theihnan tiin, hetiang hi an ruahman tih a sawi. Rawngbawltute lawmman chuhi vanrama chan tur ni mah se, he leia kan lo inchawimawi chu kan tih ve tur tho a ni tih hriai in hetiang hian ruahmanna an siam tih a sawi a ni.
“Bible zirtute tan lehkhabu pakhat lek pawh a man a toin lei a harsa em em a, chuvangin, engemaw chen tala kan lo puih ve theihnan, tiin, Rev Dr Vanlal Nghaka Foundation hmingin tanpuina hlan a ni a. Foundation hian uluk taka a dawng tur thlangin a awm leh tha an tihte thlan chhuah an ni,” a ti.
Bible zirlaite hnenah scholarship pe
