March 22 kha Bihar a din tan, Bihar Diwas a ni a. Mizoramah pawh larsap Dr Hari Babu Kambhampati hoin Raj Bhavan-ah he ni pual hian hun hman a ni.
Bihar state, Bengal presidency nena 1912 March 22-a thenhran lawmna a ni tih larsap hian a sawi a. Bihar chu kum 1947-a India a zalen hnu pawhin Republic of India hnuaiah a awm chhunzawm zel a. Hemi hnu hian nasa taka thangin, India economy, culture leh politics-ah a thawhhlawk tih a sawi.
Nalanda University leh Buddha zirtirna hmun – Bodh Gaya awmna anih avangin India ram tan kum tam tak chhung chu sakhuana leh hriatna hmun pawimawh tak a ni tih a sawi bawk.
Bihar state-in hmasawnna hrang hrang alo neih tawhte fakawm a tih thu Dr Hari Babu Kambhampati hian sawiin, an state mipui zaa 58 vel kum 25 hnuailam an nih avangin an state chuan hmasawn turin theihna tam tak a nei a, thalai ho chu ram hmasawnnan an pawimawh tih a sawi a ni.
Bihar Diwas hmannaa telte chuan India ramin inpumkhatna leh inhriatthiam tawnna thuk zawk a neih theih nan hnamdang hnam zia leh tih dan zir turin chah.
Foundation day of Bihar hi sawrkar laipui programme ‘Ek Bharat Shrestha Bharat’ hnuaia neih niin, India rama state leh union territory hnam zia (culture) inpumkhatna chawisan nana tih a ni. He programme hnuaiah hian sawrkar chuan state hrang hrangte chu inhriatthiam tawnna tuh a nih theih nan mahni state hnam zia pho lan theihna hun a siamsak thin a ni.
Bihar state pualin hun hmang
