Khaw khata in tam zawk chu an electric current hman man an pek loh rei tawh avangin Power & Electricity department chuan an connection an tihtawp sak a, tunhnaiah an pe leh tawh rih thung.
Thudawn danin, Lunglei district Mualthuam South-a in 63 chu kumin October 30 khan an electric connection chu department lam hian a tihtawp sak lailawk a. Hei hi an power bill, thla 15 atanga thla 18 inkar vel an pek tawh loh vang nia sawi a ni. Bill pangngai bakah, bill an pek loh avanga an chawi belh tur nen phei chuan a tam tawh hle nia sawi a ni.
Hetihlai hian electric hman man pe duh lo te hian uchuak taka bill nia an inhriat avangin an pe duh lo nia sawi a ni thung a. A tam zawk phei chu ram hna thawka chhun lama chhuak, an chenna inah electric hman hekna viau tur khawl nei mang lo an ni a, chuti chungin an bill hi thla khatah Rs. 1000 atanga 10000 thlenga rawn kal te a awm a, village council lamin department-a complaint an siam hnu ah pawh awmzia a nei hleithei lo nia a sawi a ni.
P&E department chuan hun rei tak chhung electric hman man pek a nih loh avang hian dan hnuaiah an tihtawp sak niin an sawi
Chutihlaiin tun dinhmunah hetianga hma lak hi inthlan dawn a nih bawk avangin remchang rih loa hriat a ni a, October 31 khan eng hi an pe leh nghal vek nia thu dawn a ni.
Bill pek loh rei vangin power pawhna hlihsak
