K-pop group ATEEZ album thar “GOLDEN HOUR: Part.5” chu Billboard 200 (US albums) chart No.1-ah a debut a, he chart-a an album No.1 kai thei pathumna a ni. An album dang “GOLDEN HOUR: Part.2” chu 2024 khan No.1 kaiin, 2023-ah “THE WORLD EP. FIN : WILL” chu No.1 a kai tawh bawk. ATEEZ hian 2022 atang khan top 10-a lang album pakua an nei tling tawh a, group anga 2020 hnulama top 10 a lang thei album ngah ber an ni.
Billboard 200 chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album-a hla a mala hralhna atanga album tlukpui te belhkhawm thin a ni.
ATEEZ hian “GOLDEN HOUR: Part.5” hi kar khat chhungin 2,28,000 hralhin, chung zingah 2,23,000 chu album tak tak hralhna a ni a, streaming atangin 5,000 (on-demand official stream maktaduai 4.96) niin, album-a hla a mala hralhna chu chhiar tham a ni lo.
GOLDEN HOUR: Part.5 hi ATEEZ album he chart-a top 10 kai thei pakuana niin, an top 10 album hmasa ber chu ‘THE WORLD EP.1 : MOVEMENR’ niin, 2022 khan No.3 a kai a, tunah top 10-a lang thei album pakua an nei tling ta a, group zingah 2020 hnua top 10 album ngah ber an ni ta a ni. A hmain he record hi chu K-pop group dang pahnih Stray Kids leh TOMORROW X TOGETER te nen an siamho a, tunah chuan heng group pahnih te hi an kalsan ta rih a ni.
ATEEZ “GOLDEN HOUR: Part.5” chiah hi tunkara Billboard 200 chart top 10-a lang thar awmchhun a ni a, Olivia Rodrigo “You Seem Pretty Sad For a Girl So In Love” chu 1,27,000 hralh lehin No.1 atangin No.2-ah a tawlh ve thung.
Chart No.1 hlui vek album pangain dawtin, Ella Langley “Dandelion” chu 82,000 hralh lehin No.3-ah bawk a la awm a, Drake “ICEMAN” chu 80,000 hralh lehin No.2 atangin No.4-ah a tawlh a, Morgan Wallen “I’m the Problem” chu 79,000 hralh lehin No.4 atangin No.5-ah a tawlh a, Noah Kahan “The Great Divide” chu 64,000 hralh lehin No.5 atangin No.6-a a tawlh a, Michael Jackson “Thriller” chu 48,000 hralh lehin No.6 atangin No.7-ah a tawlh ta bawk.
Michael Jackson album dang “Number Ones” chu 43,000 hralh lehin No.7 atangin No.8-ah a tawlh a, chart No.1 hlui Morgan Wallen “One Thing at a Time” chu 40,000 hralh lehin No.8 atangin No.9-a a tawlh a, Olivia Dean “The Art of Loving” chu 34,000 hralh lehin No.9 atangin No.10-ah a tawlh ta bawk.
Billboard 200 chart-ah ATEEZ ‘GOLDEN HOUR: Part.5’ a No.1
