Biodiversity humhalh lama
hma la turte an intuaihriam
Mizoram State Biodiversity Board chuan Biodiversity Management Committee (BMC) member-te tan Thawhlehni khan intuaihriamna leh an hriat tur zirtirna an buatsaih sak.
Hmanpuitu Environment, Forests & Climate Change minister Lalthansanga chuan BMC mawhphurhna leh hnathawh tur a tamin a zau hle a, nungcha leh ramngaw humhalh kawngah sawrkar tha tichak a, mipui rilru puthmang a dik zawnga kaihhruai kawngah an tangkai hle dawn tih a sawi.
Mizorama BMC thlanchhuah 12 atangin member 24 an tel a. Kawnpui-I BMC, Khawbel BMC, Khamrang BMC, Leng BMC, North Lungleng BMC, NE Tlangnuam BMC, Phulpui BMC, Sailulak BMC, Sairep BMC, Teikhang BMC, Keifang Venglai BMC leh Pangzawl South BMC an ni. BMC zinga bank account hawng tawh pali hnenah minister hian hmalakna atana bul an tanna tur Rs. 20000 theuh a hlan a, BMC dang pawhin bank account an hawn veleh sum hi an dawng dawn a ni.
Biodiversity awmzia leh pawimawhna, BMC chanvo, tih tur leh mawhphurhna bakah hmalak dan tur, bioresources atanga hlawkna BMC leh khawtual mipuiin an tel theih dan tur zirho a ni.
Biodiversity humhalh lama hma la turte an intuaihriam
