Prime Minister Narendra Modi chu ‘India mai ni lo khawvel huap pawhin leader lar ber leh supreme ber a ni’ tiin BJP national executive tena ni hnih awh meeting an neihnaa political resolution an siamah passed a ni a. India chuPrime Minister Modi kaihhruaina hnuaiah ‘khawvel hma lam hun humhimtu’ tiin an sawi bawk.
Modi kaihhruaina hnuaiah India chuan international organisation zah hlawh leh pawimawh G20 leh Shanghai Cooperation (SCO) ah te chairman nihna a chelh mek a. Modi kaihhruaina hnuaiah ramin ‘chapter thar’ a kai a ni, tiin resolution chuan a tarlang bawk a.
Finance Minister Nirmala Sitharaman chuan resolution an siam thenkhatte chu media mite hnenah hrilhin mahse a text pumpui chu a tukah an tichhuak chauh thung.
Khawvel pumin India chakna leh thiltihtheihna an hrefiah tawh a, corona crisis leh Russia-Ukraine war ah pholanin a awm tiin resolution chuan a sawi bawk a. India chuan humanity humhimna tur leh environment leh nature humhimna lamah khawvel hmahruaitu a ni a ti bawk.
‘Powerful leh visionary leadership’
Modi kaihhruaina chak leh hmathlir \ha takah India chuan hmathlir nei thuiin ram chak a ni a, khawvel hma lam hun humhimtu a ni an ti bawk a.
“BJP National Executive chuan Prime Minister Narendra Modi, India mai ni lo khawvel huap pawha hruaitu lar leh chungnung ber a ni hi kan lawmpui a ni” tiin resolution chuan a tarlang bawk.
Resolution chuan tun hnaia BJP tena record siama Gujarat a chakna an chan leh chu lawmawm tiin an tarlang bawk a. “He hnehna hian ram chhung politics hmelhmang a thlak danglam vek a. Gujarat-a BJP te hnehna hian tun hnaia Assembly inthlan awm tur leh 2024 Lok Sabha inthlan awm turah nghawng \ha a nei dawn a ni,” tiin resolution chuan a tarlang bawk.
BJP te chuan Himachal Pradesh inthlanah Congress te hneh lo mahse inthlauhna chu 1% pawh a tling lo an ti bawk a, hei bakah hian Uttar Pradesh, Uttarakhand, Goa leh Manipur ah nikum khan sorkar-na a siam bawk an ti bawk a.
Prime Minister kaihhruaina hlawhtling tak avangin ‘anti-incumbency’ tih \awngkam chu BJP te lakah hman a ni ngai tawh lova, pro-incumbency tiin a thlak tawh zawk an ti bawk.