Inthlan dawn apianga video clip tawi hmanga mipui thluak suk tuma Kristiante tihduhdahna nia ngaih theih behchhan vawrh darh thin chu Election Commission dan kalh a ni, tiin, BJP Mizoram chuan Cyber Crime Police Station-ah complaint an thehlut.
BJP Mizoram thuchhuak chuan, tunhnaia video viral-ah ‘BJP-in Kristian puithiam kut a thlak’ tih thu hmangin mipui bum tum a ni, tiin, hei hi dawt niin thudik chu – Kristian puithiam chu an biak ina lawi thin, ban takin kut a thlak lai video zawk a ni tih a sawi.
‘Mizoram mipui thu diklo hmanga kan hnipna lai tak, sakhuanaa inpuhmawhna thila BJP tih hmingchhiatna tur post siam thintute hi kan dem takzet a. Mipui hi dawt hmanga kaihhruai kan nih fo avangin kan ramin a tawrh phah hle. Political party thenkhat, development policy sawi tur hre mang si loa mipui din chhuahna tur dodal zawnga dawt politics hmang thinte hi Mizoram hmelma dik tak an nih avangin mipui hian, tunhma kum 10 hmalam atang daih tawha inthlan dawn apianga an auhla thin, BJP leh Kristianna inmil lo tih chu, vawiin thlengin a inmil lohna leh Kristianten harsatna kan tawh loh zia hmutute kan ni,’ a ti.
Hetianga thilsual titute chu dan anga an chunga hremna lek tur leh thu diklo post-a sawi thinten, Pathian hrereng chunga kan Kristianna nen inmila politics khel ve mai turin political party dangte pawh BJP Mizoram chuan a ngen tih sawiin, mipui pawh party-te thusawi chu a dik nge diklo tih fiah hmasa thin turin an ngen tih an sawi a ni.
BJP tih hminghliau tumnaah police-ah complaint thehlut
