Samajwadi party president Akhielsh Yadav chuan BJP te chu an version ‘Hindutva’ hmanga society ‘thendarha’ thuneihna chan tum zelah puhin hei vang hian ‘Hindutva tak tak’ humhim a ngai tiin a sawi.
Hei bakah hian BJP sorkar chu ‘a dera hmelma hrawn thutna’ kalpuiah puhin mipuite chuan ‘kum 2024 ah BJP sorkar chu a thawng thut ang’ tia sawiin ‘chu chu Constitution humhim nana tihmakmawh a ni’ tiin a sawi bawk.
Yadav chuan opposition alliance INDIA (Indian National Developmental Inclusive Alliance) te chuan kum 2024 ah Uttar Pradesh ah PDA (Picchade, Dalit, Alpsankhyak) puihna nen BJP sorkar ‘thendarh’ chu a zung chawpin an phawi ang tiin a sawi bawk a.
“BJP te hian fake encounter tam tak an ti a. Tunah chuan kum 2024 ah mipui ten BJP te an thawng ve tawh dawn a ni” tiin Yadav chuan a sawi bawk a.
State a opposition allinace chungchangah, “SP kan awm a, party tam zawkin INDIA alliance zawm an duh mek zel bawk a. PDA (Pichhade, Dalit and Alpsankhyak) te chuan BJP te kan hneh ang. BJP te hian society thendarh bak tih an nei lo,” tiin a sawi bawk.
BJP te chuan medium of communiation te chu ‘hmangsual’ vekin ni tinin ‘dawt thar’ an siam chhuak a, thuneihna an chan loh nana nawrchhuah hi tih makmawh niin tichuan Dr. Bhimrao Ambedkar a siam Constitution hi humhimin a awm ang tiin a sawi bawk a.
BJP te ‘Hindutva’ chuan society thendarh bak a thlurbing lo tia sawi bawkin hei vang hian Hindus tak tak te chuan ‘Hindutva dik tak’ humhim a ngai a. “Hindu lem te atangin thuneihna an chan theih nana Hindutva hmangsualtute lakah mipuite kan chhanhim a ngai,” tiin a sawi bawk.
“Hindutva diktak chu hmeichhia te zahawmna humhim a ni a, hnualsuatna tihtawp te, hmangaihna thehdarh leh dawhtheihna neih te a ni,” tiin a sawi bawk a.
Ganga-Jamuna Tehzeeb (syncretic fusion of Hindu and Muslim cultural elements) leh Vasudhaiv Kutumbkam khawvel puma thehdarh chu Hindutva sawi dik tak zawk a ni a. Hindutva dik tak thehdarh hi Hindustani tihtur a ni tiin a sawi bawk.
BJP te chuan ram pumah huatna thehdarhin vantlang nun tibuaiin political agenda tihhlawhtlin an tum a ni, a ti bawk a. “BJP model chu huatna thehdarha society thendarh a ni a. BJP te hi remna leh hmasawnna hmelma an ni,” tiin a sawi bawk.
“BJP rorelna Manipur leh Haryana te chu a buai mek a. Bareilly ah pawh intualvuakna thlen nana phiarrukna a awm a. BJP te hian intualvuakna te hi thleng se an tia, dan leh hrai lekkawh duh officer te chu an hrem mai,” tiin Yadav chuan a sawi bawk.
Mipuite chuan BJP sorkar chu an nin tawh thu sawiin an vote thla dawn a ti bawk a. “Uttar Pradesh health system a sawprawp tawh a. Bawng khuahkhirh loh avanga buaina nasa tak chuan loneitute leh mi pangngaite nun a tibuai a ni. Newspaper headlines an siama dan leh hrai mumala an sawi chu thil hran daih a ni a. Eng vangin nge mipui ten BJP an vote ang? Mipui tana awmin, an harsatna te kan auchhuahpui a ni,” tiin Yadav chuan a sawi bawk.
Yadav chuan BJP te chuan mipuite hnena an thutiam an tihlawhtling thei lo va, thil man a sang a, hna hmu lo an tam a, eirukna a nasa em em bawk a. Issue pawimawh mipui ten an ngaihven loh nan BJP te hian ram chu intualvuakna lam hawiin a siam mek a ni. Mipuite an inbeih hian BJP te chuan politics lamah hlawkna hmuh an tum a ni,” tiin Yadav chuan a sawi bawk
BJP version Hindutva hnawl turin Yadav an ngen
