Hrithik Roshan leh Deeipka Padukone techanna ‘Fighter’ chuan ni li chhungin khawvel huapin cinema hall ticket hralhna atangin cheng vaibelchhe 208.25 a la lalut thei. India-a a lakluh hi cheng vaibelchhe 118 niin, ram pawn atangin vaibelchhe 90.25 a lalut thei bawk. He film hi January ni 25 zana tlangzarh kha a ni a, Anil Kapoor, Akshay Oberoi, Karan Singh Grover, Ashutosh Rana leh Sanjeeda Shaikh te pawh an chang a, Siddarth Anand direct a ni.
‘Fighter’ hi India leh Pakistan inkar buaina tarlanna a ni a, Srinagar Air Force Station leh Indian Air Force te chu Azhar Akhtar kaihhruai rawlrala che pawl ten beih an tum a, hemi lo bei let tur hian team pakhat, fighter pilot tha rual awmna ‘Air Dragons’ an din a. Pulwama-a rawlrala che ten CRPF an beih te pawh tarlan niin, IAF-in Balakot an beih let dan te tarlan a ni a, chumi hnua India leh Pakistan inkar thuchhiat tak dan leh, Pakistani pilot ten IAF thlawhna kap thlain a pilot an man a, an pilot man te chhanchhuak tura an chet dan te tarlan a a ni.
Bollywood box office-ah ‘Fighter’ a hit
