US President Joe Biden chuan Texas a border wall sak a tumah a awmna Democrats bakah Republican te atangin beihna a tawk ve ve a.
Biden chuan Donald Trump hun laia kalpui a nih avang ringawtin hnathawh chhunzawm theih loh a rem lo a ti a.
Biden a awmna Demoratic party te chuan wall siam chu awmzia awm lo ntih laiin Republican lam chuan hypocrisy tiin an puh ve thung a.
Department of Homeland Security chuan ramri danna siam ch tihmakmawh ti thungin kumin ringawtah pawh US thuneitute chuan 2.2 million migrants danin an awm tawh an ti thung.
A bik takin New York khawpui angah migrants pung nasa lutuk chu Biden sorkar tan mangannna tham niin boder chungchang a kalpui danah nasa taka sawiselin a awm mek bawk a.
US official leh President Biden te chuan border pinphui atana sum dah chu kum 2019 ah Trump presidency hun laia kalpui tan tiin an sawi a.
20 miles laia thui border barrier chu Starr County, Rio Grane Valley thlengin sak tur a ni an ti bawk a. Kum 2020 han Biden chuan amah thlan tlin a nih chuan border wall dang siam belh a ni lovang a ti thung.
Senior administration official chuan US congress chu dem thungin May 2021 a Biden an budget a ngenna a siam pawh an hnawl tawh a ni a ti ve thung a.
1974 law chuan Senate leh House of Representatives tena dodalna an nei lo a nih chuan appropriate funds pek tur a ni ang a ti a ni.
“Congress hnenah heng sum te hi lakir turin kan ngen a, an lakkir si lovah chuan thupek zawm mai tur kan ni” tiin Homeland Security secretary Alejandro Mayokas chuan a sawi a.
Moyarkas chuan, “United States ramri ah dan kalha United States luhruk a amw loh chuan physical barrier rang taka siam ngei ngei ngai a ni,” tiin a sawi zui bawk.
Representative Henry Cuellar, democrat thung chuan ramri pinphui chu an duh loh thu a sawi thung a. “14th Century vela an tih thin anga ‘wall’ siam hi a tulna ka hre lo va, 21st century thil a ni tawh zawk. Mihring leh technology tam zawk hman mai tur a ni,” tiin a sawi bawk.
Border wall thilah Biden-a’n beihna tawk
