Kar kalta box office-ah khan Alien: Romulus ngam lovin Ryan Reynolds leh Hugh Jackman channa ‘Deadpool & Wolverine’ chu North American box office-ah a No.1 atangin No.2-ah a tawlh a, tunkar box office-ah chuan Deadpool & Wolverine hi No.1 kai lehin, Alien No.2-ah a tawlh ve thung.
North American box office ranking hi kartawp, Zirtawpni atanga Pathianni zanlai thlenga North America-a cinema hall ticket hralhna atanga sum hmuh tam dan atanga tehin ranking hi siam thin a ni. Deadpool & Wolverine hian tun weekend kalta khan dollar maktaduai 18.3 la lut lehin No.2 atangin No.1 a kai thar leh a, he film hian North America-ah chauh pawh dollar maktaduai 580 la lut tling tawhin, ram danga a lak luh nen chuan dollar tluklehdingawn 1.221 a tlin tawh bawk
‘Alien: Romulus’-in dollar maktaduai 16.2 la lut lehin No.1 atangin No.2-ah a tawlh a, he film hian kar hnih chhungin khawvel huapin dollar maktaduai 225 a la lut tling ve taw bawk.
Blake Lively channa ‘It Ends With Us’-in dollar maktaduai 11.85 la lut lehin No.3 a la ni a, he film hian North America-ah dollar maktaduai 120.8 leh ramdang atangin dollar maktaduai 242.6 la lut tawhin, a vaiin dollar maktaduai 363.4 a lut tling ve ta bawk.
Kendrick unau film direct, film tlangzarh thar sakhaw rinna lam hawi film ‘Te Forge’-in dollar maktaduai 6.6 lal lutin No.5-ah a debut a, box office No.1 pawh lo ni tawh Twisters-in dollar maktaduai 6.2 la lut lehin No.6 a ni a, he film pawh hian US-ah dollar maktaduai 250 a la lut tling ve tawh bawk.
Film tlangzarh thar Blink Twice leh The Crow ten beisei an pha lo deuh a. Blink Twice hi Channing Tatum channa, Zoe Kravitz direct niin, film siam nan hian (marketing tel loin) dollar maktaduai 20 vel an seng a, billionaire Slater King (Tatum) chuan cocktail waitress Frida (Naomi Ackie) chu a thiante nena private island-a chawlh an hmanna a kal ve turin a sawm a, an hlim khawp mai a, mahse, thil danglam a awm tan ta, Frida chuan eng emaw kim lo awm tlatin a hria a, ama nihna pawh a chiang ta lo.
The Crow hi a original film an tihchhuah atanga kum 30 hnuah an rawn thar thawh leh a ni a, dollar maktaduai 4.6 lalutin No.8 a ni. He film hi marketing tel loin a siam nan dollar maktaduai 50 vel an seng a, Bill Skarsgard-a’n a role ngai a rawn chang leh a, a original film erawh a pha dawn lo a ang khawp mai.
Box office top 10:
1 Deadpool & Wolverine $18,300,000
2 Alien: Romulus $16,200,000
3 It Ends With Us $11,850,000
4 Blink Twice $7,323,661
5 The Forge $6,600,000
6 Twisters $6,200,000
7 Coraline $5,006,175
8 The Crow $4,600,000
9 Despicable Me 4 $4,400,000
10 Inside Out 2 $2,100,000
Box office-ah ‘Deadpool & Wolverine’ a No.1 leh ta
