‘Dune: Part Two’ cinema hall-a an chhuah tan hun tur a nih avangin tun weekend kalta kha cinema hall sum che vel pawh a pui tham viau tura ngaih a ni a, mahse, actor strike avangin ‘Dune: Part Two’ tlangzarh hun 2024-ah an sawn ta daih si a, tun weekend kalta cinema hall sum chevel pawhin beisei a pha ta lo. Hetiang karah hian horror movie ‘Five Nights at Freddy’s’-in tun weekend kalta khan cinema hall ticket hralhna atangin dollar maktaduai 19.4 lalut lehin a vawi hnih nan a No.1 leh ta a ni.
‘Five Nights at Freddy’s’ hian ni 10 chhungin US-ah dollar maktaduai 100 a lalut hman a, US pawnah dollar maktaduai 103.5 lalut tawh bawkin, a vaiin dollar maktaduai 217.1 a lalut tling ta a ni. He film hi dollar maktaduai 20 chauh senga siam a ni lehnghal.
Taylor Swift concert movie ‘Taylor Swift: The Eras Tour’ pawh a la kal tluang viau a, dollar maktaduai 12 lalut lehin No.2 a la ni a, US-ah kar li chhungin dollar maktaduai 165 a lalut tling ta.
‘Killers of the Flower Moon’ chuan dollar maktaduai 7 lalut lehin No.3 a la ni a, he film hian kar thum chhungin US-ah dollar maktaduai 52.3 a lalut tling ta. He film hi dollar maktaduai 200 senga siam a ni.
Sofia Cappola film siam, award dawng thei tura ngaih Priscilla-in dollar maktaduai 5.1 a lalut a, No.4 a ni. He film hi Elvis Presley nupui hlui Priscilla Presley chanchin behchhana chan a ni a, Priscilla lemah Cailee Spaeny changin, Elivs lemah Jacob Elordi a chang ve thung.
Box Office Top 10:
1 Five Nights at Freddy’s $19,400,000
2 TAYLOR SWIFT | THE ERAS TOUR $13,500,000
3 Killers of the Flower Moon $7,000,000
4 Priscilla $5,084,573
5 Radical $2,730,326
6 The Exorcist: Believer $2,150,000
7 After Death $2,000,256
8 PAW Patrol: The Mighty Movie $1,975,000
9 What Happens Later $1,564,026
10 Freelance $1,248,685
Box Office-ah ‘Five Nights at Freddy’s’ a la No.1
